La Pola Flugkompanio LOT inaŭguros la novan rektan flugkonekton inter Varsovio kaj Tokio. Tio kronas la 35-jarajn klopodojn de la pola kompanio lanĉi rektan trafikkonekton kun la japana ĉefurbo. Laŭ la Japana Oficejo pri la Civilaj laboroj la trafikkoneto estos inaŭgurita post marto 2010, kiam finiĝos la pluvastigaj laboroj en la tokia flughaveno Narita. Komence el Varsovio al Tokio eblos flugi rekte plej verŝajne 3 fojojn semajne.