Pola historiisto Włodzimierz Borodziej el la Varsovia Universitato fariĝos la venontjara laŭreato de la prestiĝa germana premio de Carl van Ossietzky. Informis pri tio la aŭtoritatoj de la urbo Oldenburg atribuantaj la premion. Per ĝi oni distingas la laboraĵojn de la pola historiisto pri la polaj-germanaj rilatoj en la 20-a jarcento. Pravigante  la premiatribuon oni skribis:  „Lia aliro atestas pri la konvinko, ke la interpaciĝo pola-germana estas la centra elemento de la eŭropa unueco”. La distingo estas atribuata ĉiun duan jaron al personoj, kies scienca aktivado konformas al la spirito de Carl van Ossietzky,  germana ĵurnalisto kaj verkisto, kontraŭlo de la 3-a Regno,  laŭreato de la paca Nobel-premio 1936.