La pola ĉefministro Donald Tusk inaŭguras merkrede viziton en Kopenhago, kie li partoprenas debatojn de la Klimata Pintrenkonto de UNO. Li certigis, ke Pollando ne bremsos agadojn protektontajn la klimaton. La pola kabinetestro informis, ke la esencaj por Pollando intertraktoj pri limigo de la karbonbioksido en la Unio okazos jam post la fino de la pintrenkonto. Tiam Pollando prezentos sian starpunkton pri limigo de la karbonbioksida emisiado sur la nivelo ne damaĝonta la polan mastrumadon.