Ekde la 14-a de januaro en la varsovia flughaveno Okęcie aviadiloj povas surteriĝi eĉ dum densa nebulo aŭ neĝblovado. Jam funkcias la duagrada sistemo ILS, kiu helpas surteriĝi al flugmaŝinoj dum malfacilaj veterkondiĉoj. 10 polaj flughavenoj estas ekipitaj per la malpli kompleksa unuagrada sistemo ILS. Dume la plej grandaj mondaj flughavenoj - en Londono, Frankfurto kaj Tokio - disponas pri la triagrada ILS, ebliganta surteriĝojn ĉe preskaŭ nula videbleco.