Dank’ al la uniaj fondusoj la Krakova Operejo lanĉos sian repertuaron en Eŭropo por allogi alilandajn muzikŝatantojn. Oni celas dum la plej proksimaj 3 jaroj igi la viziton en la Krakova Operejo parto de la ekskursaj programoj proponataj de la vojaĝoficejoj en Francio, Britio kaj Germanio. Por allogi eŭropajn muzikŝatantojn la Krakova Operejo prezentiĝos krome en 2010 i.a. dum Turismaj Foiroj en Berlino, Vieno, Londono kaj Edinburgo enscenigante tie fragmentojn de siaj spektakloj.