Krzysztof Zanussi estos dimanĉe gasto de la festivalo prezentanta perlojn de la pola kinematografio en la novjorka Lincoln Center. La trarigardo de la polaj elstaraj filmoj, kiuj  preparis vojon al la  eventoj en la 1989-a jaro estas parto de la ciklo „Arta revolucio en la Centr-Orienta Eŭropo”,  montranta kiel la artaj agadoj el la 80-aj jaroj de la pasinta jarcento kontribuis al la politikaj sistemoŝanĝoj. La segmento,  en kiu eblas rigardi filmojn de Andrzej Wajda, Krzysztof Kieślowski, Agnieszka Holland kaj Krzysztof Zanussi estas titolita „Proksimiĝantaj nuboj: kontraŭstaro kaj pripensoj en la pola kinoarto 1977-1989”.