http://www2.polskieradio.pl/eo/dokument.aspx?iid=126598
Chopin Muzeo
01.03.2010
Lunde
tagmeze en Varsovio estis lanĉita la biografia muzeo de Frederiko Chopin,
temas pri la plej moderna ĉi speca kulturcentro en nia regiono de Eŭropo.
La solenan inaŭguron partoprenis i.
a. la pola prezidento Lech Kaczyński. Sur preskaŭ 5 mil kvadrataj
metroj la vizitantoj povas rigardi
elektronikrimedan prezenton pri la vivo kaj kreado de tiu ĉi elstara
pola pianisto. La muzeo ne disponigas difinitan itineron, tial ĉiu
vizitanto povos laŭplaĉe elekti fragmenton el la vivo de
la komponisto, kun kiu ŝatus unuavice
konatiĝi. En la muzeo eblas rigardi la loĝejaranĝon
de Chopin kaj flari la aromon de liaj
plej ŝatataj floroj.