Donizetti, Bellini, Rossini, Meyerbeer kaj Mozart – operfragmentoj de tiuj komponistoj apartenantaj al la plej ŝatataj de Frederiko Chopin dominas dum la silvestra nokto en la varsovia Teatro la Granda – Nacia Operejo. La aranĝo titolita “Frideriko,  ni dankas” fermas la nunjaran Chopin-Jaron solenatan en 2010 en Pollando kaj en la mondo. Laŭ la direktoro de la vendreda vespero Jarosław Kilian:  “hodiaŭ ni omaĝos Frederikon aŭskultante komponistojn, kies muziko lin inspiris kaj kies muzikon li kun plezuro aŭskultis en operejoj de Varsovio, Parizo kaj Vieno” . La orkestron de la nacia operejo direktas Marco Boemi. Ariojn kaj duetojn kantas ĉi-vespere i.a. Aleksandra Kurzak, pola operkantisto tre malofte prezentiĝanta en Pollando, pli ofte audiĝanta en la novjorka Metropolitan Opera aŭ  la londona Covent Garden.