http://www2.polskieradio.pl/eo/dokument.aspx?iid=148442
El la E-movado
31.01.2011
En nokto de la
Muzeo okazinta la 28an de januaro Kroata Esperanto Ligo
partoprenis per granda programo en Kroata lerneja Muzeo: oni ekspoziciis tie la
kompletan ĉambron de Antonija Jozičić, en kiu ŝi esperantigis en la jaro 1910 la kroatan romanon KONFESO de Milka Pogacic.
Tiu romano aperis ĉinlingve en Ŝanhajo en 1931 kaj estas konsiderata la unua
traduko de la kroata literatura verko en la ĉinan. Tial al la nokto kunlabore
kontribuis Katedro pri sinologio de Zagreba Filozofia fakultato; oni legis por la publiko ĉapitron en la ĉina. Instruistinoj
el la urbo Kostajnica, kie la verko estis tradukita, kreis teatraĵeton pri la
verko, kiun en Esperanto legis Spomenka Stimec.
Okazis prezento de Esperanto kaj enkonduko al la lingvo. Vizitinoj povis
lerni ĉinan kaligrafion. La programo dumnokte ripetiĝis tri fojojn. La
eskpozicio daŭre estas vizitebla.