Францыя можа прыпыніць дзеяньне правілаў Шэнгенскай дамовы, якая прадугледжвае свабоднае перамяшчэньне праз нацыянальныя межы ўнутры Эўразьвязу, - пра гэта заявілі ў адміністрацыі прэзыдэнта Нікаля Сарказі.
Плян перакрыцьця межаў зьвязаны з масавым наплывам уцекачоў з Тунісу ды Лібіі.
Францускія ўлады абвінавачваюць Італію, якая выдала ўцекачом з Тунісу шасьцімесячныя дазволы на ўезд на тэрыторыю Эўразьвязу, у тым ліку, у Францыю, у парушэньні правілаў Шэнгенскай дамовы.
У сувязі зь нестабільнай сытуацыяй у Тунісе, апошнім часам у Эўропу прыбыло больш за 20 тысяч франкамоўных тунісцаў, якія накіроўваюцца ў Францыю.
аз