Больш за 30 хораў, у тым ліку з Грэцыі, Расеі, Украіны, Беларусі, Балгарыі, Сэрбіі, Македоніі й Галяндыі, будуць удзельнічаць у юбілейным 30-м Міжнародным фэстывалі „Гайнаўскія дні царкоўнай музыкі”, які пачнецца сёньня а 18.00 гадзіне канцэртам хору Падляскай опэры й філярмоніі.
Цягам трох гадоў фэстываль прыцягвае публіку з усёй Польшчы ды зьяўляецца важным сьвятам для вернікаў - лічыць дырэктар мерапрыемства айцец Міхал Негерэвіч.
Міхал Негерэвіч: Фэстываль, гэта насамрэч сьвята, якое працягваецца тыдзень. Некаторыя называюць яго „другой Пасхай”. Царкоўная музыка - гэта надзвычайная зьява, гэта малітва й мастацтва ў адным. Музыка ўплывае на кожнага слухача.
-лічыць айцец Міхал Негерэвіч, дырэктар Міжнароднага фэстывалю „Гайнаўскія дні царкоўнай музыкі”.
Ляўрэаты сёлетняга фэстывалю будуць вылучаныя ў суботу падчас двух канцэртаў у Гайнаўцы й Беластоку.
Патронам мерапрыемства зьяўляецца прэзыдэнт Польшчы Браніслаў Камароўскі, які будзе таксама ганаровым госьцем фінальнага канцэрту.
аз