Актывісты інтэрнэт-сайту pashtoukа.оrg супольна з прадстаўнікамі Эўрапейскай Беларусі зладзілі акцыю салідарнасьці з палітзьняволенымі.
Увечары каля менскага паштамту сабралася каля дзясятка маладых людзей. Неўзабаве яны рушылі ў будынак, дзе селі за сталы й пачалі падпісваць паштоўкі. Яны даслалі вязьням у розныя турмы некалькі сотняў паштовак.
Увесь час, пакуль людзі падпісвалі паштоўкі, за імі сачылі супрацоўнікі спэцслужбаў у цывільным. Яны ж забаранялі журналістам рабіць фота- і відэаздымкі. Тым ня менш, арганізатары акцыі кажуць, што задаволеныя вынікам.
Акцыя салідарнасьці з палітвязьнямі прайшла без затрыманьняў.
svaboda.org/aз