У рамках Фэстывалю швэдзкага кіно ў Менску ўчора адбыўся паказ дакумэнтальнай кінастужкі вядомага швэдзкага рэжысэра Стэфана Ярла «Падначаленьне». Гэты паказ Ярл прысьвяціў беларускім палітвязьням, аднак сам на паказе не паявіўся. Ён зьвярнуўся ў рэдакцыю «Нашай Нівы» з просьбай надрукаваць ягоную заяву з нагоды паказу стужкі:
«Я адмаўляюся прысутнічаць пры паказе свайго фільма «Падначаленьне», бо крытычна стаўлюся да палітыкі рэжыму й абмежаваньня дэмакратычных правоў і свабодаў у краіне, і таму хачу прысьвяціць паказ фільма несправядліва асуджаным палітвязьням», напісаў Ярл.
Фільм «Падначаленьне» апавядае пра «хімічнае грамадзтва», створанае чалавекам, якое пазбаўляе яго здароўя.
кр/nn.by