Нямецкі міністар аховы здароўя перасьцерагае, што нягледзячы на пацьвярджэньне крыніцы заражэньня небясьпечным відам кішэчнай палачкі ў Нямеччыне, колькасьць сьмяротных ахвяраў можа павялічыцца.
Паводле апошніх дадзеных, у Нямеччыне небяспечная бактэрыя паглынула 32 сьмяротныя ахвяры, а захварэла больш за 3 тысячаў чалавек.
Міністар Даньель Бар заявіў, што колькасьць новых заражэньняў паступова зьмяншаецца, але ў шпіталях надалей знаходзіцца некалькі сотняў хворых.
Нагадваем, учора пацьвердзіліся падазрэньні, што менавіта фасолевыя парасткі, вырашчаныя ў Ніжняй Саксоніі, зьяўляюцца крыніцай эпідэміі.
Пасьля гэтага ў Нямеччыне адмененая забарона спажываньня салаты, агуркоў і памідораў.
аз