Прэзыдэнт Грузіі Міхаіл Саакашвілі заклікаў міжнародную супольнасьць і арганізацыі весьці актыўны дыялёг зь Беларусьсю, каб яна не апынулася ў ізаляцыі й яе разьвіцьцё ажыцьцяўлялася ў адпаведнасьці зь міжнароднымі стандартамі.
Выступаючы ў Батумі на міжнароднай канфэрэнцыі "Эўрапейскі шлях Грузіі", Саакашвілі заявіў, што яго краіна дзеліцца вопытам рэформаў зь Беларусьсю, Малдовай і Ўкраінай.
Ён зьвярнуў увагу тых, хто лічыць Расею больш дэмакратычнай краінай, чым Беларусь, што апошняя "не ажыцьцяўляе акупацыю суседніх краін". У выпадку ізаляцыі яна "апынецца ў руках расейскай адміністрацыі", – заявіў Саакашвілі.
"Гэта эўрапейскі выбар. Неабходны дыялёг і дачыненьні, новыя ініцыятывы. Такія нашы погляды", – сказаў грузінскі лідар.
кр/svaboda