Польскія ўлады выказалі спачуваньне нарвэскаму грамадзтву ў сувязі з учорашнімі тэрактамі.
Прэзыдэнт Браніслаў Камароўскі ў лісьце, накіраваным каралю Нарвэгіі Гаральду V, перадаў „ад імя польскага народу словы глыбокага спачуваньня родным і блізкім ахвяраў”.
Словы спачуваньня свайму нарвэскаму калезе Енсу Столтэнбэргу накіраваў таксама польскі прэм’ер-міністар Дональд Туск. Таксама польскае Міністэрства замежных справаў рашуча асудзіла тэракты ў Осла.
„Перад абліччам гэтай трагедыі Польшча салідарная з Вамі ў жалобе. Можаце спадзявацца на нашую дапамогу,” – чытаем у заяве польскага МЗС.
аз