У чацьвер кіраўніцтвам «Беларуснафты» разаслала да ўсіх філіялаў  ліст «Аб абмежаваньні па продажы нафтапрадуктаў на АЗС».

У ім патрабуецца з 3 чэрвеня 2011 года «ў сувязі з надзвычай нізкімі астаткамі нафтапрадуктаў на складах захоўваньня» ўвесьці абмежаваньні на продаж паліва за наяўны разьлік. Тое, што нафтапрадуктаў засталося мала, тлумачыцца «ажыятажным попытам насельніцтва».
Нормы ўсталёўваюцца наступныя: 25 літраў паліва ў бак для легкавіка й 100 літраў — для грузавіка.

У лісьце, падпісаным намесьнікам гендырэктара «Беларуснафты» С. С. Каморнікавым, даецца ўказаньне праінструктаваць пэрсанал АЗС «пра карэктную працу з пакупнікамі й папярэджаньне канфліктных сытуацый» і даецца парада «праводзіць тлумачальную працу з кліентамі».

СМ/nn.by/яс