У бліжэйшую суботу ў Менску пройдзе другая гарадзкая гульня „Энэргетычны квэст”. Яе ладзіць некамэрцыйная грамадзкая арганізацыя „Цэнтар экалягічных рашэньняў”.

Гульня разьлічаная на арыентацыю ў прасторы, будзе насіць экалягічны характар, а менавіта ўсе заданьні будуць зьвязаныя з энэргаэфэктыўнасьцю й энэргаашчаднасьцю. Адсюль і назва гульні.

Папярэдняя гульня прайшла ў сакавіку з нагоды міжнароднай акцыі „Гадзіна для Зямлі”. Тады за перамогу змагаліся 6 камандаў.

кр