La pola aviadilprodukta entrepreno  en Mielec [la suda Pollando] produktos ĉi-jare  12 kabinojn por  la helikopteroj „Black Hawk”. La produktadon de helikopteraj partoj por la usona konzerno Sikorsky Aircraft ĝi komencis en marto nunjare.  La helikopteroj finkonstruataj en  Usono estas sekve uzataj de la usona armeo i.a. en Afganlando kaj Irako. La krizo evitis la polan establon,  ĝi eĉ sukcesis dungi novajn laborantojn. Krom elementoj por la helikopteroj „Black Hawk” la aviadilprodukta entrepreno en Mielec produktas ankaŭ aviadilojn M 28 kaj M 18. Interesiĝo pri ili  daŭre kreskas.