La Nederlanda ILEI-Sekcio, okazigis lastsabate sian tradician studotagon en la roterdama sidejo de la CO de UEA. Nunjare ĝia temo estis „Ludoj por instrui E-kulturon”. La ĉefpreleganto estis Ana Montesinos de Gomis, hispandevena esperantisto el Britio, kiu  prezentis diversajn ludojn kaj lasis al la partoprenantoj la eblecon mem ludi por testi la materialon. En la posttagmezo okazis telekonferenco kun la ĝemela ILEI-Sekcio en Kubo. En ĝia daŭro la prezidanto de Kuba E-Asocio kaj IlEI-estrarano, Julián Hernández Angulo prezentis la instrusituacion de Esperanto en Kubo kaj varbis por diversaj venontjaraj E-aranĝoj en Kubo.