Ekde la l-a de decembro, do ekde morgaŭ, konforme al la envivigata ĉi-tage Lisbona Traktato, la Eŭropa Unio havos tn. prezidenton kaj estron de la diplomataro. Kreskos ankaŭ signifo de la Eŭropa Parlamento kaj de la landaj parlamentoj. Kiel akcentis Paweł Świeboda el la Centro de la Eŭropa Strategio „Demos”, laŭ la Komunumo tiuj ĉi ŝanĝoj ne signifas tamen, ke la Unio fariĝas federacia ŝtato, ĉar tion ne volis la membrolandoj mem. Tial ankaŭ la funkci-nomoj „prezidento” kaj „estro de la diplomataro” ne aperas en la dokumento, kie oni parolas pri „prezidanto de la Eŭropa Konsilantaro” kaj „alta reprezentanto de la Eŭropa Unio por la eksterlandaj aferoj”. Malgraŭ tio dank’ al la ŝanĝoj la Eŭropa Unio post sia multjardeka ekzisto transformiĝas fine en internacian organizaĵon, pro kio kreskas ĝia signifo en la mondo. La Lisbona Traktato kiel la unua unia dokumento antaŭvidas la eblecon, ke śtato rezginu je sia membreco en la Komunumo.