Germanio malobservis unian leĝaron, diskriminaciante fremdajn firmaojn kaj limigante al ili aliron al polaj laborantoj. Tiun verdikton prezentis la Eŭropa Justic-Tribunalo en Luksemburgo. Temas pri diskriminaciado sur la konstrua merkato kaj tro severa interpreto de la pola-germana interkonsento el la 1990-a jaro. Ĝi premisas, ke polaj laborantoj povas aktivi sur la germana merkato kaj delegi al ĝi siajn laborantojn. Tamen la germanaj aŭtoritatoj permesas dungi polajn laborantojn sole al germanaj firmaoj, malebligante tion al firmaoj italaj, hispanaj aŭ francaj aktivantaj sur la germana merkato. Tiun interpreton akuzis antaŭ la Eŭropa Tribunalo la Eŭropa Komisiono taksinta, ke oni diskriminacias eksterlandajn firmaojn kaj malrespektas rajtojn de polaj laborantoj. Laŭ juĝistoj el Luksemburgo la germana interpreto malobservas la unian principon pri la libera rajto oferti servojn.