La ĉerko kun la korpo de la edzino de prezidento, Lech Kaczyński Maria Kaczyńska ekde mateno troviĝas jam en la Prezidenta Palaco. Laŭ la travetura vojo de la aŭtomobilo kun ŝia ĉerko inter la militista flughaveno kaj la Palaco, la sama kiun dimanĉe traveturis la prezidenta ĉerko, atendis ŝin miloj da poloj ĵetante adiaŭe florojn. Post la funebra diservo la korpo de Maria Kaczyńska kune kun ĉerko de ŝia edzo estas ĝis la sepultosolenaĵo prezentata adiaŭcele en la Kolona Salonego de la Prezidenta Palaco. Ĝi estos tutdiurne vizitebla por ĉiuj personoj dezirantaj adiaŭi la polan prezidentan paron. La identiginta la korpon de Maria Kaczyńska ŝia frato Konrad Mackiewicz adiaŭe metis en ŝiajn manojn perlan rozarion.