La Eŭropa Parlamento omaĝis per minuto de silento la memoron de 96 viktimoj de la sabata aviadila katastrofo apud Smolensko.  La solenaĵon inaŭguris la plenumo de la pola himno kaj de Odo al Ĝojo. La kunsidon partoprenis eŭrodeputitoj, la prezidanto de la Eŭropa Komisiono, 12 komisaroj, reprezentanto de Hispanio gvidanta laborojn de la Eŭropa Komunumo kaj 21 ambasadoroj. Sume reprezentataj estis 51 landoj de la mondo.  La prezidanto de la Eŭropa Parlamento Jerzy Buzek dum la solenaĵo esprimis dankon al Rusujo pro digna kaj komprenema reago. Li esprimis la opinion, ke “tio helpos al pola-rusa interpaciĝo baze de historia vero kaj reciproka respekto.” Jerzy Buzek esprimis dankon ankaŭ pro vortoj de solidareco kaj subteno alvenantaj el la tuta modno. Ĝis merkredo en la uniaj oficejoj daŭras la funebro,  lige kun kio flagoj estas duon malhisitaj.