Per la sabata koncerto de la pasintjaraj laŭreatoj komenciĝis en Hajnówka [la nord-orienta Pollando] festivalo „Tagoj de la Ortodoksa Muziko”. Dum la inaŭgura koncerto oni omaĝis ankaŭ la viktimojn pereintajn en la katastrofo de la prezidenta aviadilo apud Smolensko. Inter ili troviĝis la ortodoksa episkopo Miron Chodakowski. La nunjaran festivalon partoprenas 30 korusoj el Pollando, Armenio, Bulgario, Hungario, Rumanio, Slovakio, Ĉeĥio kaj Ukrainujo. Laŭreatojn de la aranĝo oni prezentos  la plej proksiman mardon.