Tagmeze en la pola ĉefurbo estis laŭ iniciato de libroeldonistoj inaŭgurita Varsovia Librofoiro, aranĝo konkurenca rilate al la planita por la venonta sejmajno 55-a Internacia Librofoiro. Ambaŭ disvolviĝas samloke,  do en la Palaco de Kulturo kaj Scienco. La komenciĝinta aranĝo konsistos el pli ol 300 aŭtoraj renkontiĝoj, diskutoj, seminarioj, konferencoj kaj ekspozicioj. Dum ĝi  la unuan fojon estos enmanigitaj premioj Aŭdolibro de la jaro kaj Internacia premio pro la literatura raportaĵo, kies patrono estas Ryszard Kapuściński. Por ĝi estas nomumitaj 5 raportistoj, du poloj kaj 3 eksterlandanoj, i.a. Klaus Brinkbäumer pro „Afrika Odiseo” dediĉita al la afrikaj rifuĝintoj celantaj Eŭropon kaj Ricardo Orizio kaj lia verko “Perdiĝintaj blankaj generacioj. Vojaĝo serĉocele al la forgesitaj malplimultoj”.