Centoj da muzeoj, artgalerioj kaj bibliotekoj en la tuta Pollando partoprenos la nunjaran, 7-an eldonon de la Nokto de Muzeoj. En la plejparto de la polaj urboj ĝi okazos inter sabato kaj dimanĉo, tamen Krakovo invitas la noktajn vizitantojn al siaj kulturcentoj jam inter vendredo kaj sabato. Tie unu el la plej grandaj atrakciaĵoj estos la nokta ĉiĉeronado tra la subterejoj de la Ĉefa Foirplaco kaj de Draphaloj. Sub la foirplaco troviĝas nova turisma atrakciaĵo de la urbo. Temas pri restaĵoj de la 12-jarcenta tombejo, la loko ĝis nun ne disponigita al turistoj. En Varsovio malfermitaj por la vizititanoj estos preskaŭ 160 lokoj inkluzive de la Institituto de la Nacia Memoro, kie eblos ekscii kiamaniere okazas la ciferecigado de ĝiaj arkivoj. En Muzeo de Koszalin [la norda Pollando] granda atrakciaĵo certe estos ekspozicio de meteoraj ŝtonoj titolita “Diamantoj el la Kosmo” kiujn kolektis Tomasz Jakubowski – la posedanto de la plej granda ĉi-speca kolekto en Eŭropo.