Ĉirkaŭ 40 elstaraj pianistoj koncertos ĉiudimanĉe inter la 16-a de majo kaj 26-a de septembro apud la monumento de Frederiko Chopin. En la varsovia Łazienki-parko prezentiĝos i.a. Janusz Olejniczak, Dina Joffe, Marc Leforet, Paweł Giliłow, Philippe Guidisno, Kevin Kenner kaj Alberto Nose. Ĉiuj koncertoj okazos kadre de la 51-a sezono de la senpagaj pianistaj koncertoj okazantaj en unu el la plej belaj parkoj de Varsovio je la 12-a kaj 16-a horoj. Kiel informis la organizanta ilin Asocio de Frederiko Chopin la muzikaj renkontiĝoj kun la verkoj de la genia pola komponisto apud lia monumento lanĉita en la 1926-a jaro daŭre apartenas al la plej grandaj turismaj atrakcjaĵoj de la pola ĉefurbo.