La Varsovia mezgrada lernejo de Stanisław Staszic kiel la unua edukcentro en Pollando ricevis la  titolon Lernejo Malkovranta Talentulojn,  atribuatan de la pola eduk-ministerio.  Lanĉon de la porokaza tabulo partoprenis la pola eduk­ministro, Katarzyna Hall. La ministerio atribuante tiun titolon ne volas sproni la rivaladon inter lernejoj pri tio,  kiu estas la plej bona, sed instigi la instruistojn serĉi ne malkovritajn talentojn de lernantoj.  La direktoro de la distingita liceo Regina Lewkowicz substrekis, ke ĉiuj sukcesoj de la lernejo rezultas el la pasioj de instruistoj kaj laboremo de lernantoj. Nur nunjare la liceo fieras pri 30 finalanoj en la tutlandaj konkursoj pri la konoj. 13 laŭreatoj, estantaj ĝiaj lernantoj akris 4 medalojn en internaciaj konkursoj.