Laŭ la raporto de la Pola Nacia Banko preskaŭ ĉiu kvara polo ne posedas bankan konton. Eĉ 23 procentoj de poloj estas personoj finance ekskluditaj: ili ne prenas kreditojn, ne uzas banko­kartojn kaj havas neniujn kontaktojn kun bankoj. Laŭ Adam Tochmański el la Pola Nacia Banko tio koncernas ĉefe la malpli junan parton de la pola socio, kiuj en la antaŭa reĝimo ne ellernis la bankan monŝparadon.    Aliflanke laŭ Ma?gorzata Iwanicz-Drozdowska el la ĉefurba Ĉefa Komerca Altlernejo personoj finance ekskluditaj plej ofte estas homoj malmulte salajrantaj aŭ senlaboruloj vivantaj en malgrandaj loĝlokoj. La banka raporto reliefigas minacon, kiun frontas personoj ne utiligantaj la bankajn servojn. Ĝi ligiĝas  kun la neceso preni fare de ili pruntojn aŭ utiligi la financan peradon de institucioj ne subigitaj al ŝtata kontrolo. Klopodas kontraŭstari tion la ĵus lanĉita programo de Pola Nacia Banko popularig­anta la bankajn servojn aparte inter personoj kun malaltaj enspezoj.