Заўтра ў Люксэмбурзе  адбудзецца надзвычайная сустрэча эўразьвязаўскіх міністраў сельскай гаспадаркі, прысьвечаная эпідэміі кішачнай палачкі.

Нагадаем, у выніку заражэньняў памерлі 22 асобы, шпіталізаваныя каля 2 тысячаў чалавек.

Надзвычайнай сустрэчы запатрабавалі кіраўнікі сельскагаспадарчых ведамстваў некалькіх краінаў, у тым ліку таксама Польшчы.

Міністры абмяркуюць, між іншым, пытаньне кампэнсацыі за страты, якія эўразьвязаўскія вытворцы агародніны панесьлі ў сувязі з агурковай панікай.

Нагадваем, ад пачатку афэры ўпаў продаж ня толькі агуркоў, але таксама іншай агародніны.

аз