La pola ministerio por la edukado decidis intensigi kampanjon, rezulte de kiu junaj poloj pli ofte elektus lernon de konkreta profesio en mezgradaj lernejoj kaj samtempe la eduka sistemo plie alkonformiĝus al la merkataj bezonoj. Ellernon de konkreta profesio elektas ĉiam pli multaj poloj, pasintjare faris tion duono de ĉiuj lernantoj finintaj gimnaziojn. Kiel informis vicministro por la edukado Zbigniew Włodkowski, la reformo de la profesia edukado premisas ia. pli intiman kunlaboron de lernejoj kaj merkatistoj, kiuj povos mendi bezonajn specialistojn. Krome la lernejaj finekzamenoj okazus ekstere, en diversaj labor-establoj, kio ebligus kontroli efektivan preparon de lernantoj al laboro.