Інфармацыя аб тым, што жонка й дачка лібійскага лідара Муамара Кадафі знаходзяцца ў Беларусі, афіцыйна не пацьвярджаецца.

Кіраўнік прэс-службы прэзыдэнта Павел Лёгкі заявіў, што ня мае інфармацыі такога роду. З гэтымі пытаньнямі ён рэкамэндаваў звяртацца ў МЗС ці Дзяржпагранкамітэт.

Пра тое, што жонка Кадафі Сафія й дачка Аіша знаходзяцца ў Беларусі, паведаміў 21 траўня тэлеканал лібійскай апазыцыі, які вяшчае з Катара, а затым — BBC.

Раней замежныя СМІ са спасылкай на дзяржсакратара ЗША Хілары Клінтан перадавалі, што жонка й дачка Кадафі зьбеглі ў Туніс, ратуючыся ад практычна штодзённых бамбардзіровак Трыпалі авіяцыяй НАТО.

 Улады Туніса гэтыя зьвесткі абверглі.

 БелаПАН / аз