Прэм’ер-міністар Чэхіі Пэтр Нэчас склікаў надзвычайнае паседжаньне ўраду перад аб’яўленым на нядзелю страйкам працаўнікоў ведамстваў сувязі й транспарту.

Чэскі ўрад баіцца, што наступіць параліч дзяржавы.

Нагадваем, прафсаюзы дамагаюцца ад ураду рэформы падатковай сыстэмы, сацыяльнай дапамогі й пэнсіяў, а таксама сыстэмы аховы здароўя.

Ужо амаль год чэскі ўрад ня можа абмеркаваць зь мясцовымі прафсаюзамі кашталту згаданых рэформаў з-за адсутнасьці кампрамісу.

У выніку страйку, які пачнецца а трэцяй гадзіне ночы ў нядзелю, спыняцца цягнікі ды гарадзкі транспарт. Падтрымаць працаўнікоў вядамстваў сувязі й транспарту абяцалі чэскія гарнякі.
аз