Учора група беларусаў Таронта распаўсюджвала ля будынку Гарадзкой управы ўлёткі пра сытуацыю ў Беларусі.

Жыхары канадзкай сталіцы даведваліся зь іх пра беларускіх палітвязьняў, масавыя парушэньні правоў чалавека ў Беларусі й брутальны разгон акцыяў „маўклівага пратэсту”.

Як заявілі арганізатары, распаўсюд улётак у згаданым месцы будзе праводзіцца рэгулярна.

Акцыя салідарнасьці з «маўклівымі пратэстамі» ў Беларусі адбылася таксама ў Расеі й Летуве.

Некалькі дзясяткаў чалавек сабраліся насупраць беларускай амбасады ў Маскве й воплескамі выказалі падтрымку дэманстрантам у Менску й іншых гарадах Беларусі.

У сваю чаргу ў Летуве акцыя салідарнасьці прайшла на пэроне віленскага чыгуначнага вакзала, зь якога штовечар адыходзіць цягнік на Менск.

аз/svaboda.org