Esperanto

Litovoj agnoskas muzikologon el Pola Radio 12.12.2006 Litovan Ŝtatan Distingon ricevis muziktema komentisto de la Pola Radio Andrzej Chłopecki. Tiu ĉi konata aŭtoro de disaŭdigoj dediĉitaj al nuntempa muziko...
Veterinformo 12.12.2006 Marde estas nubece nur en Pomerio noteblas heliĝoj. Loke pluvas, ankaŭ sufiĉe intense...
Plia sorto de E-programoj en Pola Radio 11.12.2006 Kun profunda bedaŭro kaj aflikto ni informis/as, ke nia lasta espernatlingva elsendo en la nuna formulo estas okazonta la 15-an de decembro 2006. Tamen konforme al la interparolo kun Jerzy Targalski el la 11-a de decembro nunjare ni povas doni certe ĝojigan informon. Nome estis alprenita decido – interkonsentite kun la pola ministerio por la eksterlandaj aferoj - pri la funkciigo de la esperantlingva elsendo podkasta en la interreta programo de Pola Radio. Ĝia funkciigo estas planata je la 22-a de decembro.
Lepper akuzas amaskomunikilojn 11.12.2006 Pola vicĉefministro, ministro por la agrikulturo Andrzej Lepper deklaris, ke pro provo de onidira ŝtatatenco respondecas politikistoj, enmiksiĝintaj en skandalojn. Ĝi estis konsistonta en la forigo de lia partio Memdefendo el la koalicio kaj faligo de la registaro. Dum la gazetara konferenco Andrzej Lepper informis pri tribunala akuzo de amaskomunikiloj, kiuj prezentis malverajn informojn pri la seksskandalo en lia partio.
Post seksskandalo en Memdefendo 11.12.2006 Laŭ politologo Bartłomiej Biskup, la seksskandalon en Memdefendo devus klarigi Agentejo por la Interna Sekureco. Aliflanke sociologo, profesoro Andrzej Rychard konstatis, ke estas troigo nomi la aferon de la seksmolestado en Memdefendo la ŝtatatenco.
Arĥivo de pola poeto transdonita 11.12.2006 En la Palaco de Krasiński-familio, alivorte de Pola Respubliko en Varsovio okazis solena transdono de la aĉetita de kulturministerio arĥivo de pola poeto Zbigniew Herbert. La heredantinoj de la poeto – la edzino Katarzyna Herbert kaj fratino Halina Herbert-Żebrowska decidis transdoni la arĥivon al la Nacia Biblioteko. Konsistigas ĝin unuavice granda kolekto de manuskriptoj kaj tajpaĵoj. La kulturministro intencas anonci specialan stipendian programon. Ĝi portos la nomon de la poeto subtenonte esplorlaborojn pri lia verkaro kaj lia influo je la pola kulturo.
Proklamodato de la milita stato 11.12.2006 Proksimiĝas la proklamodato de la militstato, kies 25-a datreveno pasos la 13-an de decembro. En la unuaj tagoj de la militstato la aŭtoritatuloj helpe de militistaro sufokis laboristajn protestojn. Kontraŭ la proklamo, senlegalizo de la sindikato Solidareco kaj internigo de ĝiaj gvidantoj jam la 13-an de decembro protestis laborantoj de ĉirkaŭ 200 fabrikoj, minejoj, armilaj entreprenoj kaj aliaj. Helpe de tankoj, helikopteroj, militistoj kaj specialaj milictrupoj la t.n. ZOMO estis trudpacigitaj pli ol 40 strategiaj entreprenoj, en kiuj protestis laboristoj.
Specialaj filmprezentoj 11.12.2006 Specialajn prezentojn de la filmo „Tempo de Apokalipso” de Francis Ford Coppola organizos la 13-an de decembro la varsovia kinejo Silver Screen. La filmprezento referencos al la historio de la pola milita stato. Antaŭ 25 jaroj en la eksa kinejo Moskva, staranta en la loko de la nuna Silver Screen, estis okazonta ĝia premiero. La projekcio estis revokita kaj antaŭ la kinejo aperis tanko. Ĉi tiun eventon sur legendeca jam hodiaŭ foto eternigis brita fotisto Chris Niedenthal. Sur la foto videbliĝas tanko staranta fone de la kinejo kun la surskribo „Tempo de Apokalipso”.
Internacia Maratono de Leterskribado 11.12.2006 Preskaŭ 20 mil leterojn skribis poloj defende al la personoj malliberigitaj pro la mondkoncepto. La 24-horan Internacian Maratonon de Leterskribado organizis Amnesty Internacional lige kun la pasinta dimanĉe Internacia Tago de la Homaj Rajtoj. La kampanjo okazis en 20 polaj urboj. Partoprenis ĝin pli ol 40 landoj de ĉiuj kontinentoj. La gvidmotivo de la kampanjo estis la pasanta nunjare 25-a proklamdatreveno de la milita stato en Pollando.
Veterinformo 11.12.2006 Lunde en Pollando estas nubece kun lokaj heliĝoj. En la apudkarpatia regiono eblas pluvi kaj iom neĝi. La temperaturoj varias inter 4 kaj 6 gradoj. La ventoj estas moderaj, sud-okcidentaj.
Pola-litova kunlaboro 08.12.2006 La pola ĉefministro Jarosław Kaczyński venis vendrede matene al Vilnjuso. Dum la vizito estis subskribata ankaŭ interkonsento pri elkonstruo de la tn. energetika ponto – translima energetika sistemo liganta du landojn. Laŭplane la investaĵo komenciĝonta venontjare estos finita en la 2011-a...
Situacio sur la pola politika scenejo 08.12.2006 Vendrede matene Civitana Platformo prezentis proponon, ke ĝi subtenos la buĝeton, se la registaron forlasos Andrzej Lepper (Memdefendo) kaj Roman Giertych (Ligo de Polaj Familio) kaj se oni decidos organizi antaŭdatajn parlamentajn balotojn printempe de la 2007-a jaro...
Speciala batal-grupo 08.12.2006 Ĝis la 2013-a jaro en la armeaj fortoj de la Eŭropa Unio kreiĝos speciala batal-grupo, kiun komandos poloj. Interkonsentis tion la stabkomandantoj el Pollando, Germanio kaj Francio, kiuj debatis ĵaŭde en Varsovio...
Jubileo de la unia programo "Erasmus" 08.12.2006 Venontjare la unia programo de studenta interŝanĝo „Erasmus” fariĝos 20-jara. Dum tiu ĉi periodo unu miliono 500 mil studentoj, cetere 60-procente virinoj ricevis stipendiojn de „Erasmus” por kelkmonate studi eksterlande....
Landa Librofoiro 08.12.2006 Vendrede komenciĝis en Varsovio la 17-a Landa Librofoiro. Dum la aranĝo siajn librojn prezentas 90 eldonejoj. Vizitantoj de la foiro povas renkontiĝi kun siaj ŝatataj verkistoj...
Infanoj en la Prezidenta Palaco 08.12.2006 Lige kun la tago de la sankta Nikolao pasinta en Pollando la 6-an de decembro la edzino de la pola prezidento Maria Kaczyńska invitis al la Prezidenta Palaco infanojn – reprezentantojn de la naciaj kaj etnaj malplimultoj...

« 1 2 3 4 5 6 7 8 9 10 11 12 13 14 15 »